БЕЗОС КАКО РОБОВЛАСНИК: Куќна помошничка го тужи милијардерот, ја терал на морбидни нешта!

Милијардерот Џеф Безос го тужи една од неговите поранешни слугинки, Мерцедес Веда, која три години работела за основачот на Амазон. Го обвинува за расна дискриминација, како и за нехумани и небезбедни услови за работа.

Во тужбата, која беше поднесена во Врховниот суд на државата Вашингтон, Веда тврди дека понекогаш морала да работи помеѓу 10 и 14 часа на ден без пауза, додека надгледувала пет до шест други слугинки.

Помошничките не смееле да прават паузи за ручек или одмор додека семејството Безос е дома, ниту пак имало одредено место каде што би можеле да седнат да се одморат и да јадат.

За целата ситуација да биде уште полоша, тие немале ни пристап до тоалетот и морале да се качуваат низ прозорецот.

Веда, исто така, тврди дека другите членови на домаќинството вообичаено биле навредливи кон неа и кон другите слугинки од Латинска Америка - на начин што не се однесувале кон другиот персонал.

Кога се обидела да ги пријави овие проблеми, наишла на отпор и на крајот била отпуштена под лажни изговори.

Известувањето за отказ дава неверојатно сложена причина за престанок на работниот однос, а тоа е затоа што Веда била „несреќна“ што негативно се одразило на останатите работници.

Поради недостаток на паузи, недостиг на пристап до тоалети, расна дискриминација, одмазднички однесување и погрешно раскинување, адвокатите на Веда го тужат Безос по девет точки.